BIHARKO LAUDIO

Laudioko HOPO berri baten aurrerapen dokumentua garatu duen lantaldeak (LKS kontsultoria hain zuzen ere) berorri aurkeztutako ekarpenak baloratzeko txosten bat egin du. Nahiz eta oraindik ere BIHARKO LAUDIO lantaldeak erantzun ofizialik jaso ez duen, bai lortu dugula bere edukinak ezagutzea, udaletxe bertako lankide batek helarazita. Gainera badakigu jadanik, aspalditik udal talde politikoen eskuetan dagoela.

Jarraian agertzen den testuetanan sakatuz, testu artxibategietan ikus ditzakezu gure ekarpenari emandako erantzunak. Tamalez ez dituzu euskaraz aurkituko, guri gazteleraz soilik helarazi dizkigutelako:

INFORME CONTESTACIÓN A BIHARKO LAUDIO

Jarraian dagoen beste honetan aurkeztutako ekarpen guztiei erantzuna:

INFORME SOBRE SUGERENCIAS AVANCE PGOU LAUDIO

Ondoren kontsultoriak egiten duen azterketa orokorra, ekarpen guztiak jaso eta gero:

INFORME GENERAL TRAS EL ESTUDIO DE LAS TOTALIDAD DE LAS SUGERENCIAS

Eta azken honetan, aurkeztutako ekarpen guztien zerrrenda duzu ikusgai:

LISTADO SUGERENCIAS AVANCE PGOU LAUDIO

Hurrengo pausu bezala, erantzun ofiziala jasotzen dugunean, web-blog honetan bertan, txostenaren balorazio bat eta egindako ekarpen guztien ingurukoa ere zabalduko dugu.

Momentuz, eta txosten hori landu arte, bakoitzak nahi dituen balorapenak egin ditzake komentario gisa.

Web-blog honek, "Biharko Laudio" lantaldeak 2007ko irailaren 28an Laudioko Udaletxean Laudioko HOPOri aurkeztutako proposamen alternatiboaren inguruko eztabaida kolektiborako tresna nagusia izan nahi du.

Ez da ohiko blog bat, ez delako egunero osatzen den horietakoa. Egitura egonkorra duen web bat da, gure lantaldeak egindako proposamenaren atal ezberdinak ezagutzeko modukoa, eta garrantzitsua dena, arlo bakoitzari zure komentario eta iradokizunak egiteko aukera eskaintzen duena.

BIHARKO LAUDIO proposamena disziplina ezberdinetan aritzen diren laudioar ezberdinek osaturiko lantalde batek sortu du. Laudio herriari etorkizuneko ideia eta perspektiba berriak emateko gogoz egina.

Eztabaida zabaltzeko laudioar gizarte osoaren kontrastea landu nahi dugu, partehartzea bultzatuz, eta inongo mugarik jarri gabe. Gure herriaren bizi kalitatea hobetu eta bere nortasuna indartu nahi duen oro gonbidatuta zaudete.

Pasa den mendeko bigarren erdialdean gure lurraldean ezarri zen industriaren kokapena larrutik ordaindu zuen Laudiok hirigintzari dagokionez. Euskal Herrian zabaldu zen garapenkeria basatiaren ereduak Laudio izan zuen adibiderik argienetakoa, gure herri osoan biztanleriaren hazkuntza portzentaiarik handiena pairatu zuelarik.

Transformazio izugarri bezain erradikal honek mugatzen du gaur egungo Laudioren garapen urbanistikoaren gunea, inposatutako ekintzen bidez hirigintza basatia nahiz plangintza edota kontrolik gabea eragin baitzituen, betiere industriaren garapenaren beharren eta horrek eskatzen zituen mozkinen sorreraren zerbitzura.

Irakurri gehiago »

Udalak azaldutako diagnostikoa neurri handi batean gure egiten badugu ere, ez da hala gertatzen ondorio eta proposamenekin, horregatik aukera alternatiboa aurkeztea egokitzat jo dugu. Hala ere, aurrerago ikusiko dugun legez, gure eskaera nagusia hauxe da: ez dugu inon topatzen landu nahi den eremuaren ideia orokor batetik, kontzeptual batetik nahiago baduzue, abiatzen den proposamenik.

Ez ditugu konpatibletzat jotzen diagnosi hain zorrotza eta ausardiarik gabeko apostua. Gaurko Laudioko egoeraren bazterrik bazter eginiko kontakizun honetan zehatz-mehatz aipatzen denez datozen hamarkadetarako benetako perspektiba zein den ez badiogu hiri-berrosaketa erradikalari ekiten, are gehiago harritzen gaitu proposamenaren moderazioak.

Irakurri gehiago »

Anuntzibaitik Gardearaino ahalik eta zabalena izango den eta udalerriaren benetako ardatz egituratzaile bilakatuko den parke lineal bat egin behar dela uste dugu, berau aldi berean biriki berde eta horren erasokorra ez den giza jardueraren ardatz izanik.

Azken baten, espazioaren erabilera mistoa, lan funtzioen integrazioa, merkataritza, bizitza, herritarrak eta sorkuntza sustatzea.

Horretarako, oraindik ere errekarekiko mugan dagoen industria astuna bere osotasunean lekualdatuz desagertzeko benetako apustua egin behar da, baita 60. hamarkadako garapen basatiarenak propio diren elementu distortsionatzaile bakartu batzuk ere.

Irakurri gehiago »

Karmen eta Nerbioi kaleen arteko gune paraleloa mendiraino mantentzea proposatzen da, gutxi gorabehera Planaren Aurrerapenak proposaturiko termino orokor berdintsuetan. Hori bai, zabalgune eremuan batik bat moldaketa puntual garrantzitsu batzuk proposatzen dira.

Irakurri gehiago »

Aldez aurretik okupaturiko zorua modernizatu eta liberatuz errekaren alboetan kokaturiko industria astun osoa lekualdatzearen aldeko apustua egiten da,industria herrigune eta parke linealetik aldenduz.

Irakurri gehiago »

Eskema orokor hau eta honek eskaturiko moldaketez gain, udalerriko beste gune batzuetan esku hartzea ere ezinbestekoa da.

Irakurri gehiago »

Planteamendu Integrala sailean biltzen diren proposamen partikularrei ekin aurretik, HOPOtik etorriko liratekeen eskuhartze desberdinak gidatuko lituzketen ildo gakoan diren heinean guretzat funtsezkoak diren irizpide orokorreko jarraibide batzuen beharra azpimarratu gura dugu.

Irakurri gehiago »

Garrantzia gutxiagoduntzat jo izanagatik proposamen orokorreko beste elementu batzuk ez dira sakonki aztertu, plan berriaren eztabaida eta garapen prozesuan zehar hauek defini daitezkela ziurtzat jo baita.

Irakurri gehiago »