BESTE EKINBIDE PUNTUALAK
biharkolaudio-eusk @ 18:51
Eskema orokor hau eta honek eskaturiko moldaketez gain, udalerriko beste gune batzuetan esku hartzea ere ezinbestekoa da.
ENVASESen LEKUALDAKETA
Ugarteko auzoa herri erdigunetik kamioi kopuru andana pasatzera behartzen dituen industria batetik liberatzea beharrezkoa da. Honek etxebizitzentzako gune berri bat ahalbideratuko luke, baita errekatik gertuen dauden guneak liberatzean Lamuza eta Larrañoko parkeen berrindartze bat ere.
ALTZARRATEKO PARKE ETA EKIPAMENDU ESPAZIOEN TRUKATZEA
Latiorro auzoa izugarri hazten ari da eta egoera honek ekipamendu eta aisialdi hornidura gehiago eskatzen du. Gaur egun Villosaren jabetzapeko Altzarrate parkea Plan Berriaren aurrerapenean ekipamendu espazio handi bati itsatsita ageri da. Bada, herriko kirol instalakuntzak handitzeko toki egokia izan liteke auzoko aspektu askotako eskaerak asetzeaz batera. Tratamendu sentikor eta egoki baten bidez auzoari garai baten izandako bizi eta gozamen osagaia itzul diezaiokeen espazio historiko bat (Villosako futbol zelai zaharra) da gainera.
LAUDIOKO OINEZKO, BTT ETA KROSS ZIRKUITUAK
Egun dauden oinezkoen ibilbideak kalitatez errematatu eta osatzea garrantzitsua da, ibilaldiak sustatuko dituzten ibilbide alternatibo, anitz eta entretenigarriak eskainiz. Gardeako ibilbidea autobideko bidexkarekin lotura eta hobetzea horietako bat da.
Bestetik, krosserako ibilbide egoki bat izatearen beharrak, urtean behingo erabileraz haratago, Larrañoko Parkeko bukaeran zaletuen erabilerarako zirkuitu iraunkor bat izatea izan lezake konponbide, zeina akaso BTTarekiko bateragarria izan litekeen. Duela urte mordo aurrikusitako pistaren moldaketa ezinbestekoa da, noski.
Zabaldu
del.icio.us
Ez dago erantzunik »
Erantzun bat idatzi